cabezallo

XIV Feira Matemática - 2020

 A evolución da situación xeral e as recomendacións das autoridades sanitarias fan necesario anunciar a suspensión desta XIV Feira Matemática. Emprazamos a todos os docentes a acumular forzas para o vindeiro ano 2021 acudir a esta convocatoria con moita máis forza e con moito máis ánimo, se é posible, para levar as actividades matemáticas a toda a cidadanía.
Tamén cancelamos os concursos convocados no MATEBLOG, e retiramos os traballos que xa estaban expostos, de maneira que os seus autores e autoras os podan presentar na edición do vindeiro ano.

A2 Feira Matematica p1                                                                                           logoFeira2020   
Dende o ano 2000 celébrase en España o 12 de maio como Día Escolar das Matemáticas e en Agapema, na Zona de A Coruña, celebrámolo dun xeito especial, cunha FEIRA MATEMÁTICA.

O lema do vindeiro ano para o Día Escolar das Matemáticas está relacionado coas redes sociais, concretamente será "Co meu móbil aprendo matemáticas", o que vos pode dar unha idea para a preparación de actividades ou material.

A celebración, adicada a todas as etapas do ensino, consiste nunha Feira na que cada Centro, cada profesor, cada grupo de alumnos pode expoñer, vender, mercar unha ou máis propostas didácticas ou actividades entre as que considere oportuno.

Este ano a XIV FEIRA MATEMÁTICA celebrámola o 16 de maio, sábado, no Hall de Proa de PALEXCO, dende as 11 h ata as 20 h.

Convocamos tamén tres concursos: de Fotografía Matemática, de Matmonólogos e de Esopías. Para participar nestes concursos, tedes que entrar no MATEBLOG (aberto o prazo ata o 24 de abril). Os concursos están abertos a todos os que queiran participar, sexan estudantes de calquer nivel, profesores ou calqueira que o desexe. (Ver premiados no concurso do ano pasado)

Queremos contar coa vosa participación para ir enchendo isto, que quere ser un espazo de comunicación con todos vós. Animádevos e non esquezades que contamos con todos, cos vosos traballos e colaboracións para poder levar adiante esta actividade que consideramos ambiciosa dabondo pero que paga a pena.

Se queredes participar enchendo un posto cos vosos estudantes e aportando actividades, poderedes inscríbiros neste formulario (formulario pechado) que estará aberto ata o 30 de abril, pero como hai un número limitado de postos, poderá pecharse antes desa data se se ocupan todos os postos.

Por todo isto esperamos as vosas aportacións para que a Feira sexa unha realidade.

Conforme avancemos no tempo, iremos colocando nesta web as novas que teñamos e as informacións que vos poidan ser de utilidade, tanto para participar como 'visitantes' ou como 'comerciantes'.

Quedades, polo tanto, convidados todas e todos a participar o 16 de maio de 2020, na

XIV Feira Matemática 
en Palexco

Comisión organizadora:

Isabel Miguélez Pose
Carmen Peñamaría Ramón
Sandra Sambade Nieto (IES de Pastoriza, Arteixo)
Mª Cristina Naya Riveiro (Fac. Ciencias da Educación. Univ. da Coruña)
Mª Pilar Orizales Teijeiro (IES Rego de Trabe, Culleredo)
Raquel Seisdedos Hermo (IES Eduardo Blanco Amor, Culleredo)
Francisco Álvarez Fontenla
Óscar Dominguez Perez (CFR de A Coruña)
Santiago López Arca
Alberto Fortes Novoa (IES de Pastoriza, Arteixo)
Francisco Vila Baleato (IES Alfredo Brañas, Carballo)
Enrique de la Torre Fernández (Fac. Ciencias da Educación. Univ. da Coruña)

Contacto: Este enderezo de correo está a ser protexido dos robots de correo lixo. Precisa activar o JavaScript para velo.