A directiva de AGAPEMA vén de decidir a suspensión das actividades convocadas pola nosa asociación para este mes de abril, isto é, suspéndense as convocatorias da Olipíada Matemática 2020 para 2º de ESO, do XX Rebumbio Matemático e Da primeira edición de Miradas da Xeometría. Esta suspensión está motivada polas circunstancias extraordinarias que está a vivir o noso país.

A suspensión non afecta á XIV Feira Matemática, que mantén a súa convocatoria sen modificacións (sempre á espera da evolución da situación).

Agradecemos a comprensión de todas as persoas inscritas nas actividades de AGAPEMA,  desexando poder abrir novas convocatorias das mesmas a partir do vindeiro curso escolar.

Xa temos aberto o prazo para a participación na Olimpiada Matemática 2020 de 2º da ESO.

Podes consultar o calendario coas bases, datas, prazos, formularios de inscrición e problemas doutros anos da Olimpiada premendo aquí

Anímate a participar!

A directiva de AGAPEMA vén de decidir a suspensión das actividades convocadas pola nosa asociación para este mes de abril, polo tanto, suspéndense a celebración do XX Rebumbio Matemático.

Animamos a todos os docentes que xa estaban comprometidos para esta edición a manter a forza e o ánimo e concorrer o vindeiro ano 2021 con novos grupos de estudantes para participar nesta actividade que tenta fomentar o espírito cooperativo e o traballo en grupo.

Relación de centros participantes

Texto da Convocatoria do XX Rebumbio Matemático

A Asociación Galega do Profesorado de Educación Matemática (AGAPEMA) na súa intención de establecer e manter vivo o contacto permanente cos Centros de Educación Primaria e co seu profesorado, especialmente co de matemáticas, convoca por 20ª vez esta actividade coa finalidade de contribuír á mellora da educación en xeral, e do proceso de ensinanza - aprendizaxe das matemáticas en particular.
Trátase dunha actividade que tenta fomentar o espírito cooperativo e de traballo en grupo. De aí a súa estrutura e o seu desenvolvemento. As actividades matemáticas a desenvolver serán variadas, alternándose as de tipo manipulativo coas de dedución e razoamento, de xeito que motiven aos participantes.

Os centros que desexen participar formalizarán, antes do 1 de marzo de 2020, a súa inscrición en liña, indicando o número de equipos (un por clase) que van a participar e o profesorado responsable da participación, no formulario de inscrición.
Para calquera comunicación coa organización débese utilizar o correo electrónico Este enderezo de correo está a ser protexido dos robots de correo lixo. Precisa activar o JavaScript para velo.

Poden consultar os problemas doutras edicións aqui

 A evolución da situación xeral e as recomendacións das autoridades sanitarias fan necesario anunciar a suspensión desta XIV Feira Matemática. Emprazamos a todos os docentes a acumular forzas para o vindeiro ano 2021 acudir a esta convocatoria con moita máis forza e con moito máis ánimo, se é posible, para levar as actividades matemáticas a toda a cidadanía.
Tamén cancelamos os concursos convocados no MATEBLOG, e retiramos os traballos que xa estaban expostos, de maneira que os seus autores e autoras os podan presentar na edición do vindeiro ano.

                                                                                              
Dende o ano 2000 celébrase en España o 12 de maio como Día Escolar das Matemáticas e en Agapema, na Zona de A Coruña, celebrámolo dun xeito especial, cunha FEIRA MATEMÁTICA.

O lema do vindeiro ano para o Día Escolar das Matemáticas está relacionado coas redes sociais, concretamente será "Co meu móbil aprendo matemáticas", o que vos pode dar unha idea para a preparación de actividades ou material.

 "Miradas da Xeometría" é un proxecto da asociación matemática francesa "Les Maths en scène" dirixido ao alumnado de infantil, primaria e secundaria que ten como obxectivo descubrir a xeometría a través do mundo artístico e científico.

Este curso escolar, 2019-2020, AGAPEMA súmase a este proxecto e convida ao profesorado galego de infantil, primaria e secundaria a participar cos seus estudantes.

O obxectivo de cada grupo-clase será realizar unha produción artística ou dixital (infografía, aplicación dixital, película de animación, estrutura, escultura, etc…) que representará a mirada dos estudantes sobre o tema elixido.

O proxecto concluirá ao redor dos meses de abril e maio nun espazo común por determinar con dúas actividades:

• A exposición conxunta dos traballos dos centros participantes.

• A posta en común na que os autores dos traballos explicarán os diferentes procesos que efectuaron.

Proponse unha selección de 60 temas que poderás  consultar no documento adxunto. 

Podes formalizar a túa inscrición na seguinte ligazón: 

https://forms.gle/UxXp6N93Ya3yX8wX7

Anímate e participa!

Miradas_da_xeometria.pdf