Os vindeiros días 2 e 3 de febreiro de 2024 (tarde do venres e sábado todo o día) celebrarase o IX Congreso de AGAPEMA nas instalacións do IES Santo Tomé de Freixeiro de Vigo. Pretendemos que esta edición sexa de novo un foro no que compartir proxectos, experiencias e inquedanzas sobre Educación Matemática en Infantil, Primaria e Secundaria. Calquera docente pode participar presentando comunicacións, obradoiros, pósters ou exposicións.
O prazo para a presentación de colaboracións estará aberto ata o venres 12 de xaneiro de 2024. A inscrición de asistentes estará aberta ata o 25 de xaneiro de 2024.
A actividade é gratuíta para as persoas asociadas a AGAPEMA ou a calquera outra sociedade federada das que compoñen a FESPM. As persoas non asociadas a ningunha delas deberán aboar a cantidade de 30 € en concepto de matrícula.
Podes realizar a inscrición ou presentar algunha colaboración no seguinte formulario: https://forms.gle/FKgHoajZ8CdCd1by5
Esperamos contar coa túa participación!