cabezallo

Xa temos aberto o prazo para a participación na Olimpiada Matemática 2021 de 2º da ESO.

Podes consultar o calendario coas bases, datas, prazos, formularios de inscrición e problemas doutros anos da Olimpiada premendo aquí

Anímate a participar!

 A evolución da situación xeral e as recomendacións das autoridades sanitarias fixeron necesario anunciar a suspensión da XIV Feira Matemática para o ano 2020 e este ano 2021 tamén suspenderemos a súa celebración.
Confiamos en que no vindeiro ano 2022 podamos acudir a esta convocatoria con moita máis forza e con moito máis ánimo.

Tamén cancelamos os concursos convocados no MATEBLOG, e retiramos os traballos que xa estaban expostos, de maneira que os seus autores e autoras os podan presentar na edición do vindeiro ano.

A2 Feira Matematica p1                                                                                           logoFeira2020   
Dende o ano 2000 celébrase en España o 12 de maio como Día Escolar das Matemáticas e en Agapema, na Zona de A Coruña, celebrámolo dun xeito especial, cunha FEIRA MATEMÁTICA.

O lema do vindeiro ano para o Día Escolar das Matemáticas está relacionado coas redes sociais, concretamente será "Co meu móbil aprendo matemáticas", o que vos pode dar unha idea para a preparación de actividades ou material.

O xoves 19 de novembro de 2020 ás 17:00 terá lugar a Asemblea Ordinaria de AGAPEMA. Esta reunión farase a través da plataforma virtual Zoom, por medio dunha ligazón que se enviará aos socios e socias o día anterior á mesma.

A orde do día é a seguinte:

  1. Lectura e aprobación, se procede, da acta da asemblea anterior.
  2. Informe do presidente.
  3. Aprobación, se procede, das contas correspondentes ao exercicio 2019 e do orzamento previsto para o exercicio 2021.
  4. Memoria de actividades realizadas no ano 2019.
  5. Publicacións de AGAPEMA.
  6. Información sobre as actividades do presente curso (convocatorias, novidades, prazos, etc.).
  7. Renovación Estatutos de AGAPEMA.
  8. Renovación da xunta directiva de AGAPEMA.
  9. Propostas e preguntas.

 "Miradas da Xeometría" é un proxecto da asociación matemática francesa "Les Maths en scène" dirixido ao alumnado de infantil, primaria e secundaria que ten como obxectivo descubrir a xeometría a través do mundo artístico e científico.

Este curso escolar, 2019-2020, AGAPEMA súmase a este proxecto e convida ao profesorado galego de infantil, primaria e secundaria a participar cos seus estudantes.

O obxectivo de cada grupo-clase será realizar unha produción artística ou dixital (infografía, aplicación dixital, película de animación, estrutura, escultura, etc…) que representará a mirada dos estudantes sobre o tema elixido.

O proxecto concluirá ao redor dos meses de abril e maio nun espazo común por determinar con dúas actividades:

  • A exposición conxunta dos traballos dos centros participantes.

  • A posta en común na que os autores dos traballos explicarán os diferentes procesos que efectuaron.

Proponse unha selección de 60 temas que poderás  consultar no documento adxunto. 

Podes formalizar a túa inscrición na seguinte ligazón: 

https://forms.gle/UxXp6N93Ya3yX8wX7

Anímate e participa!

Miradas_da_xeometria.pdf

A Sociedade Galega para a Promoción da Estatística e a Investigación de Operacións (SGAPEIO) e a Asociación Galega de Profesorado de Educación Matemática (AGAPEMA) organizan a VI Xornada de formación para elaborar proxectos de estatística. Esta xornada está dirixida a profesores de ESO e Bacharelato e vaise impartir nunha única edición en Santiago de Compostela.

Esta actividade, que conta coa homologación da Consellería de Cultura, Educación e Ordenación Universitaria, inclúe exposición de experiencias, obradoiros, e unha conferencia.
- Lugar: Facultade de Matemáticas, Santiago de Compostela.
- Datas: 9 de novembro de 2019.
- Horario: 10:00 - 14:00 e 16:00 - 19:45.
O programa provisional e o formulario de inscrición están na páxina

https://www.sgapeio.es/index.php/estatistica-no-ensino/3261-xornada-de-formacion-sgapeio-agapema-2019

Anímate e participa!