Novas

VIII CIBEM en Madrid

Dende o 1 de outubro está aberto o prazo de inscrición e presentación de traballos para o VIII CIBEM (Congreso Iberoamericano de Educación Matemática), que se celebrará en Madrid do 10 ao 14 de xullo de 2017. Este congreso engloba tamén as XVIII JAEM.

X Feira Matemática - 2016

Matemáticas na Raia 2016

AGAPEMA  e a APM (Asociación do Profesorado de Matemáticas de Portugal) convocan a segunda edición da actividade "Matemáticas na Raia", concurso de resolución de problemas dirixido ao alumnado de 3º  de ESO (9º ano en Portugal). A característica principal desta actividade consiste no fomento do traballo colaborativo, pois os equipos son grupos - clase completos.
A proba terá lugar o día 14 de abril e as inscricións están abertas ata o día 18 de marzo.

Xornada de formación para a elaboración de Proxectos de Estatística

AGAPEMA e SGAPEIO (Sociedade Galega para a Promoción da Estatística e a Investigación de Operacións) organizan un ano máis unha actividade de formación dirixida ao profesorado de ensino medio baixo o nome de "Xornada de formación para a elaboración de Proxectos de Estatística", que se celebrará o vindeiro 14 de novembro de 2015 na Facultade de Matemáticas de Santiago de Compostela.

Xornada de Matemática Recreativa: As Matemáticas de Coque

O 28 de novembro celebrouse no IES Eusebio da Guarda de A Coruña  a actividade "Xornada de Matemática Recreativa: As Matemáticas de Coque", coa que dende AGAPEMA quixemos render homenaxe ao noso mestre e compañeiro Manuel Pazos Crespo, "Coque".

XVI Olimpiada Matemática Nacional

Do 24 ao 28 de xuño pasado celebrouse no IES Pirámide de Huesca a fase final da Olimpíada Matemática para estudantes de 2º curso de E.S.O.

Dende Galicia acudiron os tres finalistas:

- Isabel Gradaílle Gil do IES do Castro de Vigo

- Iván González Cortegoso do IES Blanco Amor de Ourense

- José Pazos Pérez do IES Otero Pedrayo de A Coruña

Cabodano de María Wonenburger

    Co motivo do cabodano de María Wonenburger, celebrouse un pequeno acto, depositando unhas flores do seu xardín, diante do monolito dedicado a ela, situado na rúa das Ciencias no parque de Santa Margarida.

    O acto foi  o domingo 14 de xuño ás 11 da mañá.

XVII EDICIÓN DAS JAEM EN CARTAGENA

A FESPM (Federación Española de Sociedades do Profesorado de Matemáticas) organiza a 17ª edición das JAEM (Jornadas sobre el Aprendizaje y la Enseñanza de las Matemáticas), que se celebrarán en cartagena os días 5 a 8 de xullo de 2015. Este congreso está recoñecido polo MEC, polo que é computable como formación a todos os efectos (oposicións, sexenios, traslados, etc).

XV Rebumbio Matemático - Fase Final

Fotografías da proba e da entrega de premios            Problemas da fase final

A Fase Final do XV Rebumbio Matemático celebrouse o venres, 22 de maio, cun día de convivencia cos 45 estudantes dos 15 equipos clasificados nas distintas zonas.

Crónica do Día GeoGebra de Galicia

Fotos           Cartel             Programa            Descarga de Materiais

Distribuir contido