XII Feira Matemática - 2018

PROGRAMA   Fotos da Feira    Resolución dos concursos

Cartel da Feira     Caderniño con actividades        Tríptico

 

Dende o ano 2000 celébrase en España o 12 de maio como Día Escolar das Matemáticas e en Agapema, na Zona de A Coruña, celebrámolo dun xeito especial, cunha FEIRA MATEMÁTICA.

O lema deste ano para o Día Escolar das Matemáticas é "Matemáticas electorais", o que vos pode dar unha idea para a preparación de actividades ou material.

A celebración, adicada a todas as etapas do ensino, consiste nunha Feira na que cada Centro, cada profesor, cada grupo de alumnos pode expoñer, vender, mercar unha ou máis propostas didácticas ou actividades entre as que considere oportuno.

Este ano a XII FEIRA MATEMÁTICA celebrámola o 7 de abril, sábado, no Hall de Proa de PALEXCO, dende as 11 h ata as 19 h.

Convocamos tamén tres concursos: de Fotografía Matemática, de Matmonólogos e de Esopías. Para participar nestes concursos, teredes que entrar no MATEBLOG, que estará aberto para o envío de obras ata o 31 de marzo. Os concursos están abertos a todos os que queiran participar, sexan estudantes de calquer nivel, profesores ou calqueira que o desexe. (Ver premiados no concurso do ano pasado)

Queremos contar coa vosa participación para ir enchendo isto, que quere ser un espazo de comunicación con todos vós. Animádevos e non esquezades que contamos con todos, cos vosos traballos e colaboracións para poder levar adiante esta actividade que consideramos ambiciosa dabondo pero que paga a pena.

Se queres participar enchendo un posto cos teus estudantes e aportando actividades, inscríbete neste formulario. (xa están as prazas completas)

Por todo isto, dende xa, esperamos as vosas aportacións para que a Feira sexa unha realidade.

Conforme avancemos no tempo, iremos colocando nesta web as novas que teñamos e as informacións que vos poidan ser de utilidade, tanto para participar como 'visitantes' ou como 'comerciantes'.

Quedades, polo tanto, convidados todas e todos a participar o 7 de abril de 2018, na

XII Feira Matemática

en Palexco.

Comisión organizadora:

Isabel Miguélez Pose
Marisol Pérez Blanco
Carmen Peñamaría Ramón
Sandra Sambade Nieto (IES de Pastoriza, Arteixo)
Mª Cristina Naya Riveiro (Fac.Ciencias da Educación. Univ. da Coruña)
Francisco Álvarez Fontenla
Óscar Dominguez Perez (CFR de A Coruña)
Santiago López Arca
Enrique de la Torre Fernández (Fac.Ciencias da Educación. Univ. da Coruña)

Contacto: feiramatematica@agapema.org